O xoves realizamos diferentes xogos na aula nos que aprendemos a diferenciar e clasificar os residuos que xeramos diariamente. Tamén falamos sobre as diferentes especies dos mares e océanos do mundo.

O venres, puxémos en práctica todo o aprendido o día anterior. Na praia de Coroso, fixemos unha recollida selectiva de todos os elementos que fomos recollendo no areal. 

Os rapaces e rapazas, xunto cos seus mestres e monitores, desfrutaron desta actividade nun clima moi positivo de aprendizaxe e colaboración.