NOVAS‎ > ‎

Benvida Larosi

publicado a la‎(s)‎ 21 nov. 2015 0:59 por Pepe Lijó Pose   [ actualizado el 21 nov. 2015 0:59 ]
Os alumnos danlle a benvida ao noso compañeiro Larosi que un curso máis incorpórase ao noso centro logo de pasar o verán coa súa familia e amigos nos campos de refuxiados do Sahara de Tinduf (Arxelia) 
Aos 7 anos, Larosi, comezou a vir á nosa localidade pasar dous meses de verán no programa de Vacacións en Paz coordinado pola Asociación de  Solidariedade Galega co Pobo Saharaui, acollido pola familia de Manola e Paco. Ao rematar o período en que os nenos saharauis veñen nas Vacacións en Paz, poden ser acollidos pola mesma familia para continuar os estudos no noso país, e esta é o motivo de que Larosi estea con nós.

Durante o curso pasado realizamos actividades para coñecer a historia do seu conflito, vimos documentais, debatimos nas aulas e asistimos a charlas na que o propio Larosi e mais Amparo Cerecedo (Delegada da SOGAPS) nos mostraron a realidade que viven os saharauis na actualidade. Larosi veu a aprender de nós pero nós tamén aprendemos moito del e sobre todo decatámonos de situacións humanitarias menos privilexiadas que as nosas, e sensibilizámonos de un conflito case esquecido e por resolver dende hai 40 anos.

Con el compartimos tamén a cerimonia do té, onde nos manifestou os seus sentimentos, as súas emocións e as súas inquedanzas, e nos contou que ven a Galicia ca ilusión de aprender cousas novas, sacar os estudos, e axudar á causa do seu país e conseguir a liberdade do Sahara.
Ao rematar o curso pasado os seus compañeiros despedíronno con un escrito moi emotivo. Se queres lelo, cliclea máis abaixo para abrir o documento.
Ċ
Pepe Lijó Pose,
21 nov. 2015 0:59