NOVAS‎ > ‎

Visita da Real e Ilustre Cofradía da Dorna

publicado a la‎(s)‎ 3 abr. 2017 10:34 por Pepe Lijó Pose   [ actualizado el 3 abr. 2017 10:41 ]

O luns 27 de marzo, visitáronnos os membros da directiva da R. e I. Cofradía da Dorna co obxecto de informarnos sobre a importancia da participación, a implicación e a colaboración do traballo das peñas nas actividades propias desta festa que naceu hai xa 69 anos. A charla foi moi didáctica e divertida: primeiro  presentáronnos uns videos para explicarnos o que é a festa e que sen a participación nosa perdería a esencia que a diferenza doutras festas, rímonos moito vendo as pelis das principais actividades : Exame de Patróns, Top Secret, Rejata de Embarcasións Feitas á Machada e Propulsadas a Pan de Millo,  Jran Premio Cuttre Sark,  Jran Prix de carrilanas, Enjalanamento de Fanequeiras, Jran Premio Icaro de Voo sen motor, o Viveiro dorneiro, Jran Juateque Dorneiro, o Baile de Jala....


Tamén nos falaron da importancia do consumo responsable para unha diversión máis san, e da necesidade da limpeza e de non deixar todo luxado nas rúas despois das actividades.

Logo fixemos un obradoiro práctico para ir adestrando para a festa deste ano, e así inventamos nomes simpáticos para a peña, elaboramos logos para a camiseta, deseñamos a fanequeira, e escribimos a canción para participar no Sertamen de Cansión de tasca. Finalmente cada un dos seis grupos expuxemos o noso traballo e cantamos a canción de tasca.

Foi unha sesión moi divertida.
(Vídeo grabado e editado por Laura Cruxeiras).