Comezamos a plantar aínda que o tempo non nos axuda moito, adiantamos o traballo porque ameazaba chuvia e as nosas plantiñas non podían esperar mais. Os nenos e nenas de educación infantil encargáronse da hortiña Solete, plantando tomates, pementos, berenxenas, calabacín, cabazas, xudías e riquísimas leitugas.

Mentres, os forzudos e forzudas de 4º E.P non amosaron debilidade ante a dura terra da nosa hortiña Umbria e plantaron tomates e pementos.

Aínda que non teña que ver coa hortiña, queremos compartir con vós a marabillosa experiencia de ver nacer aos nosos pitiños, parrulo e ocas.

Chegou o día,  plantamos as patacas na nosa “Hortiña Solete”. Tivemos que agardar un pouquiño a que chegara o bo tempo, e por tanto, non sementamos coa lúa chea ou minguante que é o ideal, pero estamos seguros que a ledicia dos nosos pequenos e pequenas agricultores e agricultoras vai compensar o retraso. Mirade que ilusión, que empeño en colocar a semente o mellor posible... non hai patacas mais mimadas en todo o Concello!!!!!

Mentres os nenos e nenas de infantil e primaria ían saíndo por quendas a plantar, os alumnos e alumnas de 4º E.P realizaban a pé de campo un mural con toda a información sobre esta actividade:

·         Procedencia e historia da pataca.

·         Clases de patacas.

·         Instrucións para o seu cultivo (distancia, rego, calendario luar, época de recolleita...)

·         Debuxo das diferentes partes da planta...

Un curso máis estamos listos para plantar as nosas ricas pataquiñas de cedo. Como sempre os nosos maiores da E.S.O, son os encargados de por a punto a horta, quitando as malas herbas e movendo o terreo para que lle sexa máis sinxelo cultivar  aos seus compañeiros de Educación Infantil e Primaria.

Moitas grazas rapaces e rapazas pola vosa colaboración e duro traballo!!!

 

Remataron as vacación de Nadal e xa estamos impacientes por visitar as nosas hortiñas “Solete” e “Umbría”, para ver canto creceron as nosas verduriñas durante estes días, nos que non estivemos no cole.

Podedes visitalas cando queirades, estades convidados!!!!!

A hortiña Solete

A horta Umbría:

Os nenos e nenas de E.I foron acompañados polos nosos alumnos e alumnas máis maiores, e recibiron todas as atencións e mimos que podían aturar. Os maiores encargáronse de explicarlles os pasos a seguir para plantar o seu castiñeiro, mentres que os de E.P xa se apañaron moi ben plantando a súa landra coa supervisión dos mestres e mestras. Agora hai que estar moi pendentes das sementes e regalas cando o precisen.

ESPEREMOS QUE NA PRIMAVERA POIDAMOS AXUDAR A REPOBOAR ALGÚN DOS BOSQUES DEVASTADOS POLO LUME.

Os forzudos e forzudas da E.S.O, tamén deixaron moi ben cavada a nosa Horta Umbría, hai que agradecer o seu esforzo, porque ben dura que estaba a terra!!!

Así, os nenos e nenas de Educación Infantil sementaron unha chea de nabizas.

IMOS A PODER FACER MOITO CALDO DE NABIZAS ESTE INVERNO!!!!

XA ESTAMOS AQUÍ DE NOVO!!!!

Canto traballiño pasamos, AS NOSAS HORTAS ESTABAN A MONTE!!! Pero unha vez que calzamos as botas e poñemos as luvas, non hai ninguén que pare aos nosos rapaces e rapazas da E.S.O. Hai que dicir que as deixaron perfectas para comezar a plantar os produtos de outono/inverno. 

QUE XEITIÑO TEÑEN, NON SI?

Mentres, o profe Mingos cun grupo de alumnos e alumnas de 6º EP, podaron e limparon as malas herbas do “Recuncho Aromático” que tamén estaba pedindo a gritos que o preparáramos para a chegada do duro inverno.

Hoxe os nosos pequerrechos e pequerrechas saíron preparados á horta, para plantar ricos amorodos, berenxenas, leitugas e tomates. Deixaron que os nenos e nenas de 5º e 6º de E.P  fixeran o traballo sucio, abrandando o terreo para poder facer os seus pequenos buratiños nos que enterrar as diferentes plantas. Como disfrutan metendo as mans na terra!!!!

Nais, pais e demais familiares,

estades todos/as convidados/as para ver como vai quedando a nosa hortiña.