Iníciase esta fermosa ruta na aldea do Piornedo, collendo o camiño que pasa pola Capela de San Lourenzo, que se situa ao final da aldea. O inicio do percorrido faise por camiño de carro, e despois pasamos a un sendeiro de alta montaña máis técnico e complexo. Poe este chegamos á Mallada do Mostallar, xusto onde comeza o ataque final a este cume senlleiro dos Ancares. Como se ve no perfil, o desnivel é case continuo, só hai unha pequena baixada (subida na volta) cando se atravesa o río da Veiga Cimeira. A subida final é moi dura.

As paisaxes que gozamos todo ao longo do percorrido, pero sobre todo dende o cima, pagan todas as penas que nos poida custar o camiño.

Sinalar tamén que hai (a parte de na aldea) unha fonte axeitada para beber ou repoñer auga aproximadamente ao levar andado un terzo de percorrido.

Sobre o río hai unha ponte de madeira (descoidado). É posible que en épocas de inverno teñamos dificultades para pasar.

Retórnase polo mesmo trazado. Ao final, se non o fixemos xa, é obrigado facer unha visita á aldea para admirar as pallozas. Hai algunha visitable: a Casa do Sesto consérvase coma cando estaba habitada. O seu propietario explica con moito saber os datos sobre esta construción e o modo de vida que nelas se desenvolveu. 

Unha ruta clásica dos Ancares na que é necesaria unha boa forma física.