A nosa Historia

    O noso é un centro con moita historia detrás. Xa cumprimos anos, moitos anos. O noso fundador, D. Carlos García Bayón comezou a semente do que hoxe é o Colexio Bayón en Padín con clases particulares pero non ten a autorización provisional ata o ano 1946.

    Máis tarde casado con Dna Lola, os dous xuntos trasladan o centro a uhnas novas instalacións da súa propiedade, na rúa Miguel Rodríguez Bautista, xa con autorización definitiva (1967).
    D. Carlos é o director fundador ata 1970, ano no que asume a dirección Dna Lola. Dna Lola cesa por enfermidade a súa laboura de mestra e directora. Asume a Dirección e a Administración do colexio D. Ramón Triñanes Lustres en 1986.
    En 1993, os profesores que integran o colexio nese momento, toman a decisión de construír un centro na zona de Cubeliño, debido a imposibilidade de adecuar as instalacións ás novas esixencias lexislativas. D. Carlos cede a titularidade a sociedade formada polo profesorado que se traslada ao novo centro en 1995.



    Con motivo do centenario do nacemento do noso fundador, decidimos adicarlle un recunchiño moi especial do noso centro, a biblioteca “Don Carlos e Dona Lola”. Un lugar onde atopamos o su legado.
     No mes de novembro do 2014 invitamos a todos os membros antigos e actuáis da nosa comunidade escolar actual a dito evento.